Færsluflokkur: Bloggar

ELDHÚSÁHALDA-UMRÆÐU-DEGI-BOGGANS



Í dag, föstudaginn fyrir Alþingiskosningarnar 2009 hafa eigendur (okkar sem) Borgumblaðið lýst yfir ELDHÚSÁHALDA-UMRÆÐU-DEGI-BOGGANS.

Öfugt við Eldshúsdagsumræður Alþingis (sem hafa verið hrútleiðinleg skúespil í beinni á RÚBBANUM í gegnum tíðina) skorar BOGGINNá les-endur nær og fjær að pikka í símþráðinn til vina sinna og vandamanna og ræða máln - landsins gögn og nauðsynjar. Hvatt er til sjóðheitra umræðna og að láta nú allt flakka sem hríslast hefur um okkur á þessum örlagavetri. Verum við sjálf umfram allt en skerpum línurnar og krefjumst réttlætis.

Skorum á vini okkar, foreldra, systur, bræður og frændgarð allan, að láta nú ekki FjórFLokkinn í allri sinni nekt blekkja okkur enn og aftur til fylgispektar með skærum og rándýrum sauðagærum sinum. Lítum undir feldinn, en leggjumst alls ekki ekki undir hann. Þar undir sitlja þeir á svikráðum; úlfurinn, strúturinn, og skúmurinn og síðast en ekki síst hælbundni fílinn. Fyrst þeir sviku okkur með persónukjörið og stjórnlagaþingið og neituðu síðan í þokkabót að skila auðlindunum aftur til þjóðarinnar, skulum við bara spila þeirra leik og kjósa á básum - en í þetta skiptið með óbundið fyrir öll vit okkar og hendur og látum þá feinna fyrir okkur.

Og við skulum líka leika okkur smá, á þeirra kostnað, fyrir alla smánina sem þeir hafa hellt yfir þjóðina, og beita atkvæðaþófi sem þakklætisvotti fyrir allt málþóf þeirra og fleiri skemmtilegum tilbrigðum - allt eins og hver hefur geð til. Gleymum ekki að láta reka út alla njósnara frá FLokkunum út úr kjördeildinn okkar, því við höfum lögin með okkur sem gefa okkur heimild til að kjósa leynilega). Gefið ekki upp nafn eða sýnið skilríki fyrr en þeir eru farnir út úr kjördeildinni.

XO - og þjóðin talar saman!

Trúverðug rannsókn á efnahagshruni Íslands

Ævisparnaður eldra fólks brennur upp. Lífeyrissjóðir tapa tugum milljarða af fé sem þeim er treyst fyrir. Ungt fólk sem lagt hefur fyrir til að eiga upp í kaup á íbúð er rænt aleigunni og hneppt í ævilanga skuldafjötra. Ætlar almenningur á Íslandi að sætta sig við þetta?
 
Borgarahreyfingin ætlar ekki að gera það.

Brandari?

Stjórnvöld - íslenskir stjórnmálamenn - ætla almenningi að sætta sig við þetta. Á því er engin vafi. Ríkisstjórn Samfylkingar og Sjálfstæðiflokks fékk sýslumanninn á Akranesi til þess að sjá um rannsóknina á efnahagshruni landsins. Björn Bjarnason, þáverandi dómsmálaráðherra, grátbað sýslumanninn um að taka verkið að sér. Haldi menn að það hafi verið einhver ósmekklegur brandari hjá Birni þá var svo alls ekki. Ríkisstjórnin sem tók við, ríkisstjórn Samfylkingar og Vinstri grænna, ætlaði líka að láta rannsókn sýslumannsins nægja. Það var fyrir tilverknað einstaklinga utan úr bæ og vegna þrýstings frá almenningi sem núverandi ríkisstjórn tók við sér. Annars sæti sýslumaðurinn ofan af Skaga enn við tómar hillur. Gera þarf betur en þetta.

Krafa Borgarahreyfingarinnar hefur frá upphafi verið þessi: „Rannsókn á íslenska efnahagshruninu verði undir stjórn og á ábyrgð óháðra erlendra sérfræðinga og fari fram fyrir opnum tjöldum. Frysta skal eignir grunaðra STRAX meðan á rannsókn stendur."

Kjósendum er ljóst að stjórnmálamönnum á Íslandi hefur orðið illilega á í messunni. Þeir hafa ekki og munu ekki eiga frumkvæði að trúverðugri rannsókn á efnahagshruninu, vegna þess að þeir vilja ekki vita niðurstöðuna. Borgarahreyfingin hefur einsett sér að linna ekki látunum fyrr en slík rannsókn hefur farið fram. Við neitum líka að hægt sé að skuldsetja börnin okkar fyrir lífstíð vegna vanhæfra stjórnmálamanna og siðblindra þrjóta úr hópi einkavina þeirra.

Ég hef barist fyrir því persónulega að fá Evu Joly til Íslands síðan í september 2008. Egill Helgason tók af skarið og fékk hana í þáttinn til sín þann 8. mars sl. þar sem augljóst var orðið að íslensk stjórnvöld ætluðu ekki að kalla til neina sérstaka erlenda rannsóknaraðila sem var jú ein af megin kröfum baráttuhópsins Nýrra tíma sem var stofnaður í október 2008.
en stefnuyfirlýsing hans er mjög skýr:

Vilji okkar er að við högum okkur eins og siðmenntuð þjóð, að við hröðum rannsókn á þessum grafalvarlegu málum, hugsanlegum lögreglurannsóknum og dómsmálum sem mest má til að þjóðin finni aftur til innri friðar, geti hafið það uppbyggingarstarf sem framundan er. Stjórnmálamenn, fjármálamenn og stjórnsýsla eru flækt í gagnkvæma hagsmunagæslu gróðafíknar og valdagræðgi. Við krefjumst þess að gripið verði tafarlaust til markvissra aðgerða til að bjarga fjárhag heimilanna og lífvænlegra fyrirtækja og óhikað verði gengið að þeim auðmönnum sem ábyrgð bera á hruninu. Samhliða endurnýjun fullveldisins þarf að fara fram víðtæk alþjóðleg rannsókn á öllu því sem miður hefur farið undanfarna áratugi, þar sem aðgangur rannsóknarnefnda og fræðimanna að gögnum verður óhindraður og frysting á eignum auðmannana sem teljast hafa gerst brotlegir verði tafarlaust frystar. Við viljum kjósa menn og málefni en ekki flokka, við berjumst fyrir persónukjöri, breytingum á kosningalögum, stjórnlagaþingi sem kosið verði til í haust.

Ég stóð meðal annara fyrir undirskriftasöfnun á facebook - síðunni " Fáum Evu Joly til að aðstoða við rannsókn á hruninu". Eva Joly segir frá 
baráttusíðunni í norska viðtalsþættinum "Grosvold" þann 13. mars 2008.

sjá; http://www1.nrk.no/nett-tv/klipp/473730.

Í viðtalinu segir Eva að upphafið að ákvarðanatöku sinni hafi verið þegar að Egill Helgason hafi verið fyrstur manna til að biðja sig um að hjálpa okkur við rannsóknina á hruninu og um nóttina hafi facebooksíða orðið til þar sem fleiri þúsund manns hafi skráð sig sem hún kallar " ett intressant fenomen", því þar hafi íslenskur almenningur þrýst á íslensk stjórnvöld að ráða sig til starfa. Ríkisstjórnin hitti Evu Joly eftir þessa atburðarás og fann sig knúna til að mæta kröfum almennings. Það var því fyrir tilverknað einstaklinga utan úr bæ og vegna þrýstings frá almenningi sem núverandi ríkisstjórn tók við sér.


Atkvæði greitt Borgarahreyfingunni er stuðningsyfirlýsing við trúverðuga rannsókn á efnahagshruninu.

Setjum X við O þann 25. apríl.

Guðjón Ólafsson

Höfundur er Atvinnulaus fyrrverandi  Rútubílstjóri og frambjóðandi Borgarahreyfingarinnar í Norð-austur kjördæmi

Lýðræðisumbætur strax, stjórnlagaþing, persónukjör og þjóðaratkvæðagreiðslur og setjið x við O .

 


Álver og Virkjun og hvað svo ?

Álver og Virkjun og Hvað svo ?

Mér langar að vita hvað stjórnvöld og frambjóðendur í NA kjördæmi  ætla gera í Atvinnumálum hérna á mið-austurlandi .

Hérna flutti helling af fólki frá öðrum landsvæðum  og starfaði við framkvæmdir bæði í kárahnjúkum og á Reyðarfirði og sumir settust hérna að.

Og ætluð að reyna að fá atvinnu við Álverið á Reyðarfirði ,en ráðningasystemið  hjá Fjarðaráli var mjög skrítið og fólk sem er vant að vinna fékk yfirleitt ekki vinnu þar.

Svo hafa verið mjög mörg dæmi þess að annar makinn hefur fengið góða og fasta vinnu en hinn fær enga vinnu eins og ég þekki mjög vel.

Ég var komin í góða vinnu á Höfuðborgarsvæðinu  við hópferðaakstur og strætisvagnaakstur  og um miðjan júlí fékk ég póst frá Launafli á Reyðarfirði og um var samið að ég kæmi til þeirra í sumarslok 2008 og sagði upp vinnu og húsnæði á Höfuðborgarsvæðinu  og kom austur  og þegar fór að líða að ég gæti byrjað hjá þeim þá var allt breytt hjá þeim og þeir sögðu mér að segja öllu lausu í bænum og koma austur.

Ég komin austur aftur á gylliboði frá Launafli  atvinnulaus  með svikið loforð.

Sjá má góða bloggfærslu um þetta mál hérna http://gudjono.123.is/blog/record/301329

Ég hef gengið hérna atvinnulaus í  rúmt ár í heild síðan ég flutti hingað austur haustið 2004.

Ekki batnaði ástandið í haust með bankakreppunni og efnhagshruninu og svo þegar  Malarvinnslan og KHB fóru á Hausinn.

Ég spyr ykkur hvað ætlið þið gera til efla atvinnulífið hérna ?

Það verður að koma hérna annað mannfrekt fyrirtæki hérna  á við Álverið .

Svo að breyta þessu hugafari hjá Innfæddum hérna eins og héraði að ráða helst ekki aðflutta andskota eins og við erum kallaðir hérna sem höfum flutt hingað  og sest að hérna .

Virðingafyllst

Guðjón Ólafsson

Gutti62@gmail.com


Gögn um mál Íslandsseturs á Láglandi vegna umfjöllunar Stöðvar -2 og á vísir.is

  

Gögn um mál Íslandsseturs á Láglandi

Að gefnu tilefni benda þeim á sem vilja skoða sannleikann í málinu um fréttflutting Stöðvar 2 og á Vísir.is um Íslandssetrið á Láglandi að öll gögn er að finna ínná heimasíðu Izland og/eða www.islandssetrid.dk

Yfirlýsing frá Baldvin Björnssyni eiganda íslandsseturs í Danmörku


Upphaf þessa máls er að mér berast tvær umsóknir um gistingu á Setrinu. Þær koma frá Valdimar Ágúst Emilssyni (260280 4739) Hnjúkabyggð 27, Blönduósi og Brynjólfi Þórðarsyni (260277 4489) Engihjalla 3, Kópavogi. 

Í fyrstunni er um það rætt að þeir komi einir til að kanna jarðveginn og skoða möguleika sína hér í DK. Þetta breytist svo skyndilega um áramótin þegar Valdimar ákveður að taka alla fjölskylduna með og Brynjólfur ætlar að taka son sinn, samtals átta manns. Þetta er stór hópur og því að mörgu að hyggja. Ég mæli með að þeir dvelji á Setrinu í mánuð meðan þeir eru að fá danska kennitölu, koma börnunum í skóla, leita sér að íbúð og annað sem máli skiptir þegar flutt er í annað land. Vegna stærðar fjölskyldunar reyni ég að smíða saman "pakka" þar sem ég reikna dvöl þeirra eins ódýra og kostur er. Þennan pakka samþykkir Valdimar og vill um leið að við sjáum um að sækja þau á flugvöllinn á Kastrup.

Laugardaginn 24. jan sendi ég svo tvo bíla til Kaupannahafnar með trailer fyrir farangurinn ásamt samlokum, kaffi og juce fyrir svanga ferðalanga. Um er að ræða ca 320 km x 2 (bílar) sem skv. aksturstöflu hins opinbera má það margfaldast með dkr. 3.90 pr km. Það var  ekkert gjald tekið fyrir bílstjórana en ferðin í allt tók milli 4 - 5 tíma.
Þegar á áfangastað er komið fæ ég það strax á tilfinninguna að ekki er allt með felldu og á sunnudagskvöld fæ ég það staðfest. Þau eru nánast peningalaus! Þau hafa ekki hugsað sér að búa á Setrinu og biðja mig um að finna handa sér íbúð, íbúð sem þau höfðu sjálf séð á netinu. (Bolig Portal). Þessi breyting á áætlun þeirra verður til þess að ég kem með nýtt tilboð varðandi gistingu þar sem aðeins er um viku að ræða, svo þau greiða aðeins vikugjald í fjölskylduherbergi (sex manns) og Brynjólfur greiðir vikugjald fyrir einstaklingsherbergi. Þau óska síðan eftir því að tilboð mitt um kvöldmat standi, eða um dkr 480.- fyrir allan hópin pr. dag.

Sunnudaginn 25. jan fer ég svo með Valdimar og Brynjólfi að skoða "draumahúsið" að utan og seinna kaupi ég áskrift að Bolig Portalen svo okkur takist að finna þann aðila sem hefur með húsið að gera. Það tekst og þau geta tekið húsið á leigu. Leigugjaldið er dkr 8.500,- pr mánuð fyrir utan ljós og hita. ég nefni það við þau að þetta sé dýr húsaleiga til að byrja með og sérstaklega þegar þau hafi ekki skoðað atvinnumöguleikana, en allt kemur fyrir ekki...þetta er húsið. Þegar kemur svo að því að ganga frá leigusamningi hafa þau ekki pening þar sem krafa eigandans eru 3 mánuðir í tryggingu ásamt mánuði fyrirfram, samtals dkr. 34.000.-
Ég fer því í gang með að finna aðra íbúð og finn 4 herbergja íbúð í hjarta Nakskov fyrir 3.400.-  á mánuði. Þegar húsaleigursamningur fyrir þá íbúð er er í höfn, hringir fasteignasali "draumahússins" og býður þeim að taka á leigu húsið án tryggingar eða 8.500.- pr mánuð og svo að þau greiði aukalega 1.000.- og safna þannig upp í tryggingarupphæðina. Jafnframt verður að samkomulagi að hópurinn geti flutt inn strax við undirritun leigusamnings án þess að greiða neitt sérstaklega fyrir þann mánuð (febrúar). Það er þó tekið fram að iðnaðarmenn  verði að gera húsið í stand í nokkra daga og því vanti að setja upp einhver eldhúsáhöldum og fleira. Þetta samþykkja þau og ganga að öllum skylmálum.

En þá kemur babb í bátinn, fólkið hafði engan pening til að ganga frá leigusamningnum. Til að bjarga stöðunni ákvað ég að leysa málið á þann hátt að þau leggi 400.000.- inná reikning minn á íslandi og svo tæki ég að mér að greiða húsaleiguna og fá samninginn í höfn. Einnig gætu þau greitt undirrituðum fyrir gistinguna og hefðu svo reiðufé afgangs. Þetta finnst þeim algjör himnasending og þakka mikið og vel. Nú leið enn ein auka vika á setrinu þannig að samnlagt gistu þau rúmar tvær vikur. Miðvikudaginn 11. febrúar er svo allt klappað og klárt, þau fá afhenta lyklana og flytja frá Setrinu í nyja húsið.

Sama dag fengu þau bíl undirritaðs lánaðan til útréttinga eins og alla aðra daga sem þau höfðu verið hér, án endurgjalds. Ég var búinn að tala við skólayfirvöld fyrir þau til að koma börnunum í skóla, ég var búinn að aka með þau vítt og breitt til að skoða íbúðir og bíla. Fór með þau á skrifstofu kommúnunar til að skrá þau inn í landið og hjálpaði þeim við að leita sér læknis vegna veikinda eins barnsins ásamt mörgu öðru.

Eftir að hafa nú meðal annars rætt við Sendiráð Íslands í Kaupannahöfn er helst á þeim að skilja að það hafa verið að kröfu félagsmálayfirvalda að fá börnin aftur til Íslands þar sem þeim var ekki heimilt að flytja úr landi ? Einhver ástæða er fyrir því að þetta fólk vill ekki koma fram í sjónvarpi heldur fela sig bak við "slör".


Með kærri kveðju
Baldvin


Ps. bréf frá fyrrvarandi gestum Íslandssetursins:

Sæll Baldvin
Ég vildi bara láta vita að við myndum fara í fréttirnar fyrir þig til að uppræta þetta mannorðsmorð sem framið var á þér.
Þetta er mesta bull og kjaftæði sem ég hef heyrt sem var í fréttunum í dag. Við Valborg getum bæði vottað það að þú gerðir aldrei neitt ósanngjarnt eða neitt á kostnað okkar og hjálpaðir okkur með hvað sem er. Þú ert rosalega fagmannlegur og góðhjartaður maður og átt þetta ekki skilið, við stöndum með þér hérna á klakanum.
Einnig máttu hringja í okkur og tala við okkur, 
354 *******

Kær kveðja og ósk um gott gengi um ókomna framtíð,
Gunnar og Valborg


Gleðileg Jól og Farsælt komandi nýtt ár.........

Gleðileg  jól og farsælt komandi nýtt ár Við óskum ykkur gleðilegra jóla og farælds komandi árs og þökkum það sem er að líða Sjáumst hress á nýju ári vonandi Jólakveðjur Guðjón Ólafsson og Fjóla Berglind Helgadóttir Ekkjufelli701-Egilsstaðir Netföng : gutti62@gmail.com  / gutti62@simnet.is Símar: 849-9545 / 471-2103 Heimasíða og Myndaalbúm  Http://www.123.is/gudjono

Tilkynning frá Félagi Árneshreppsbúa Vegna stórbrunans á Finnbogastöðum

Vegna stórbrunans á Finnbogastöðum.Þar sem ljóst er að Guðmundur Þorsteinsson hefur misst hús sitt og innbú í brunananum hefur félagið opnað styrktarreikning til handa Guðmundi.Reikningsnúmerið er:
1161-26-001050 ke:451089-2509,við Sparisjóð Strandamanna.
Er það bón mín og beiðni að allir,sem aflögu eru færir um stórt eða smátt leggi þessu lið og  bregðist við hið fyrsta.Með fyrirfram þakklæti.

Kristmundur Kristmundsson formaður félags Árneshreppsbúa.

 http://www.litlihjalli.it.is/frettir/Missti_allt_sitt_i_brunanum 

ný siða til stuðning Guðmundi frá Finnbogastöðum sjá www.trekyllisvik.blog.is


Bylting orðin í útbreiðslu GSM-sambands á Ströndum


Það er frábært ef að það verði hægt að ná GSM-Kerfinu um allar strandir  með þessum eina sendir  á Skaga.
Og óska strandamönnum til hamingju með þennan áfanga.
En þarna skákaði Vodafone símanum svo rækilega  að þeir ættu að skammast sín og gera reikisamning við Vodafone og bæta þá sýnum sendum við til að þétta netið þar sem eru dauðir punktar og þar sem eru bæjir og sumarbústaðir og þar sem ferðamenn sækja heim .

 



Bylting orðin í útbreiðslu GSM-sambands á Ströndum


026

 

 

Ekkert minna en bylting hefur orðið í útbreiðslu GSM-sambands á Ströndum og á siglingaleiðum og miðum á Húnaflóa eftir að Vodafone kveikti á langdrægum GSM-sendi á Steinnýjarstaðafjalli ofan við Skagaströnd. Sendirinn dregur 100 kílómetra í sjónlínu, en ennþá er eftir að fínstilla sendinguna og mæla útbreiðsluna. Við þetta kemur inn GSM-samband víða á Ströndum þar sem sjónlína er yfir á Skaga, en um 50 km eru í loftlínu frá Skagaströnd að Gjögri.

Enn sem komið er geta viðskiptavinir Vodafone einir notað þjónustuna, en það hlýtur að teljast ótrúlegt og óviðunandi ef að Síminn bíður lengi með að semja um aðgang að dreifingu Vodafone á þeim svæðum sem þeirra kerfi nær ekki til. Rétt er þó að minna á að alls staðar þar sem GSM-samband er á annað borð er hægt að hringja í neyðarlínuna 112 úr GSM-símum, sama við hvaða símafyrirtæki menn skipta og sama hvaða útbreiðslu þau bjóða sínum viðskiptavinum upp á.

GSM-samband ætti samkvæmt landakorti ritstjórnar strandir.isnú að vera komið á norðanverðum Stikuhálsi og í sunnanverðum Bitrufiirði með þessari framkvæmd og eins í Bitrufjarðarbotni. Aftur frá Krossárdal í Bitru og um Ennisháls sunnanverðan. Einnig úr Kollafirði innan við Kollafjarðarnes og að Smáhamrahálsi í Steingrímsfirði en ekki hefur verið samband á því svæði. Þá er líklega komið samband frá Drangsnesi og á leiðina þaðan í Bjarnarfjörð, um alla Balana, í Kaldbaksvík og að Veiðileysufirði norðanverðum. Þá ætti að vera samband á Kjörvogi og Gjögri í Árneshreppi.

Fréttaritari er hins vegar ekki viss um að samband náist innan við Kaldrananes og Ásmundarnes í Bjarnarfirði og hugsanlega skyggir Vatnsnesið á svæðið yst í Hrútafirði þar sem ekki hefur verið GSM-samband. Kollafjörður er örugglega í skugga að mestu leyti og einnig er ólíklegt að samband sé í Trékyllisvík, Norðurfirði, innanverðum og sunnanverðum Reykjarfirði eða við veginn í Veiðileysufirði.

Þessi uppbygging Vodafone á langdrægum GSM sendum er bæði metnaðarfull og viðamikil, að sögn Hrannars Péturssonar hjá Vodafone, því ætlunin er að koma allt að 50 slíkum sendum upp um allt land á næstu mánuðum eða fyrir júnílok. Drægni þeirra er mjög mikil og mun þessi uppbygging því skipta miklu máli á miðunum í kringum Ísland og einnig upp til fjalla. Sjónlína frá sendinum er skilyrði fyrir sambandi og því eru þeim valdir staðir þar sem sendingar þeirra nást sem víðast. Reiknað er með að langdrægur sendir verði einnig staðsettur á sunnanverðum Ströndum og þá mun dreifisvæðið enn stækka.

Verkefni Vodafone við uppbyggingu langdrægu sendana er óskylt uppbyggingu GSM-sambands á vegum Fjarskiptasjóðs þar sem byggt verður upp GSM-samband á dauðum blettum á ákveðnum stofnvegum. Vodafone mun einnig sjá um síðari áfanga þeirrar uppbyggingar sem ætlunin er að ljúka

 

 

http://strandir.is/index.php?option=com_content&task=view&id=5260&Itemid=2

 


Verdum gömluskipin og sögu og örlög þeirra.

Frábært framtak og hefði átt að vera löngu búið að varðveita gömul og sögufræg skip  og báta eins og gömlu togarana nýsköpunartogara og svo átt gullfoss aldrei að verða seldur úr landi.

Mér fynnst vanta góða vefsíðu þar sem saga íslenskra skipa er rakin í málum og myndum og hver örlög þessara skipa varð og hvar þau eru niðurkomin í dag og eins nokkurskonar skipatal og skipstjóratal á netinu.

Ef einhver veit um svona síðu eða álíka þá má benda mér á það og senda mér á netfangið gutti62@gmail.com

ég hef safnað að mér eitthvað af skipamyndum inn á aðra bloggsíðu sem ég held úti sem er www.123.is/gudjono

 


mbl.is Óðinn senn á varanlegan stað
Tilkynna um óviðeigandi tengingu við frétt

Eru íbúar Árneshrepps annars flokks fólk.??

Eru íbúar Árneshrepps annars flokks fólk.??

007
Eru íbúar Árneshrepps annars flokks fólk.
Hrafn Jökulsson í viðtali við Bæjarins Besta.

Ekki hefur sést tæki frá Vegagerðinni í Árneshreppi frá áramótum, segir Hrafn Jökulsson sérlegur talsmaður hreppsins. Eftir að Hrafn flutti norður á síðasta ári með konu sinni, sem er skólastjóri Finnbogastaðaskóla, var hann beðinn um að aðstoða við björgun hreppsins og hefur hann verið duglegur við að vekja athygli á vanda byggðarlagsins síðan þá. Hrafn segir að mörg falleg orð hafi fallið um Árneshrepp á Alþingi en nú verði að taka af skarið, það sé fullur vilji til góðra hluta.

"Eitt það auðveldasta og ódýrasta sem hægt væri að gera og myndi leysa stóran vanda er að hætta að misskilja snjómokstursáætlunina. Á henni stendur að það eigi að moka tvisvar í viku, vor og haust en samt er ekki mokað eftir áramót. Ég talaði nýlega við vegamálastjóra Jón Rögnvaldsson um málið, en hann gat engu lofað," sagði Hrafn aðspurður um hvað væri fyrst hægt að gera í málefnum hreppsins.

Allt frá árinu 2002 hafa Alþingismenn talað um mikilvægi hreppsins fyrir þjóðfélagið, í framhaldi af þingsályktunartillögu vestfirskra þingmanna. Lofræðan hefur verið mikil en eins og fyrr hefur verið greint frá hefur lítið orðið áþreifanlegt úr tillögum nefndar sem var skipuð í framhaldi af þingsályktunartillögunni. Hrafn segir að það sé orðið tímabært að dusta rykið af tillögum nefndarinnar frægu. "Það er ömurlegt að fá ekkert áþreifanlegt út úr svona umræðum. Það er búið að vekja vonir fólksins og þetta verður eins og sálrænt farg, því fólkið hér eldist og sér engar lausnir í sjónmáli. Íbúarnir fá það á tilfinninguna að þeir séu annars flokks og þurfa að sætta sig við þriðja flokks þjónustu."

Jón Bjarnason þingmaður Vinstri grænna í Norðvesturkjördæmi hefur á hverju hausti frá því þingsályktunartillagan var samþykkt lagt fram fyrirspurn á Alþingi um stöðu málsins. Í fyrstu voru viðbrögðin öll á einn veg, menn voru sammála um mikilvægi þess og sáu enga fyrirstöðu í því að eitthvað yrði að gert. Undanfarin þing hefur þó borið á því að í svörum þingmanna og athugasemdum sé minnst á það fordæmi sem sértækar aðgerðir hefðu í för með sér. Árið 2003 sagði Davíð Oddsson þáverandi forsætisráðherra í svari til Jóns: "Ég tel að sú samstaða sem náðist um þingsályktunartillöguna hafi verið afar sérstæð í þinginu og mikilvæg þannig að ríkisvaldið í hvaða mynd sem það er statt hefur hvorki efni né ástæðu til að draga lappirnar hvað þetta mál varðar."

Hrafn segir að það væri hægt að gefa gott fordæmi með sértækum aðgerðum. "Ein tillagan var að Árneshreppur verði tilraunasveitarfélag til fimm ára. Það væri hægt að skipa verkefnastjórn sem fengi fjármagn til að byggja sveitarfélagið upp og þetta gæti orðið merkileg tilraun á minnsta sveitarfélagi landsins og módel í því hvernig ætti að efla aðrar litlar byggðir."

"Það er hastarlegt þegar brýnustu aðgerðirnar eru framkvæmdar og það stendur eingöngu á framkvæmdavaldinu núna. Það eru margir sem vilja búa hér og það er hvorki flókið né dýrt að gera þeim það mögulegt. Það þarf að byrja á grunninum, eins og Össur Skarphéðinsson byggðamálaráðherra hefur lagt áherslu á í sínum málflutningi. Við þurfum síma, net, veg og þriggja fasa rafmagn," segir Hrafn Jökulsson, erindreki Árneshrepps.
Þessi frétt er af www.bb.is

Hvað varð um símapeningana ?????

026 

Ég á rætur mínar að rekja í þessa sveit og kem þangað að mynsta 1 sinni á ári.

Ég hef reynt að athuga hjá Símanum og ráðamönnum á við þingmenn og ráðherra samgöngumála um hvort það gæti orðið af veruleika að fá gsm- samband í sveitina eða betra og örugglegra símasamband.

þaðan sem ég frá er lokaður fjörður og það næst þar hvorki NMT sími eða annað og svo gengu þeir svo langt hjá Símanum að þeir lögðu niður þann eina símasjálfsala sem var í hreppnum og núna þurfa ferðafólk og þeir sem eru í sumarbústöðum að ríða húsum til að fá að hringja ef það þarf í nauð.

ég hef fengið mjög dræm viðbrögð frá ráðamönnum um svör eða annað vegna þessa  máls .

ég vil skora á alla landsmenn og árneshreppsbúa nær og fjær að senda ráðamönnum erindi um þetta mál og skora á þá að gera breytingu á sem allra fyrst.

þar sem er mikill ferðamannastraumur á þessum slóðum allt sumarið.

Mér fynnst að ráðamenn skuldi árneshreppi gott símasamband á við GSM .

kveðja

www.123.is/gudjono

 


mbl.is Fjarskiptamál í ólestri í Árneshreppi
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband